27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
Մանվել Գրիգորյանին պատկանող «Ակնալճի կուղբաբուծական տնտեսությունը» ՀՀ-ին նվիրաբերելը իրավապահների քննարկելիքն է. Նարեկ Բաբայան
04.07.2019 | 15:02
Մանվել Գրիգորյանին պատկանող «Ակնալճի կուղբաբուծական տնտեսության» նվիրաբերումը հանրային սեփականության վերադարձ է: Կառավարության նիստից հետո լրագրողների հետ ճեպազրույցում ասաց Պետական գույքի կառավարման կոմիտեի նախագահ Նարեկ Բաբայանը:
Անդրադառնալով Մանվել Գրիգորյանին պատկանող «Ակնալճի կուղբաբուծական տնտեսություն» ընկերության 329 հեկտար տարածքը Հայաստանի Հանրապետությանը նվիրաբերելուն՝ նա տեղեկացրեց, որ կառույցը նամակ է գրել դատախազին, որի մասին բարձրաձայնվել է։ Մնացածն արդեն, ըստ Նարեկ Բաբայանի, իրավապահ մարմինների քննարկելիքն ու պատասխանելիքն է:
«Եթե որևէ խոչընդոտ և առարկելիք չլինի դատախազության կողմից, և մեզ հանձնարարական լինի, պրոցեսին արագ ընթացք տալու որևէ խնդիր չի լինի։ Ես ասել եմ, որ այնտեղ տարբեր բնույթի գույքեր են, տարբեր նշանակություն ունեցող, և ամենաօպտիմալն, ըստ իս, իրենց ֆունկցիաներով մասնատելը և ըստ ֆունկցիաների վաճառելն է։ Օրինակ՝ կա և՛ հյուրանոց, և՛ այգիներ, և՛ ձիարշավարան, և՛ դաշտեր»,- նշեց Պետական գույքի կառավարման կոմիտեի նախագահը:
