04.02.2026 | 23:29
ՇՄ նախարարը և Դևիդ Կուպերը քննարկել են «Կենսաբանական բազմազանության մասին» կոնվենցիայի ներքո ընթացող գործընթացներ
Վրաստանից ՌԴ գինու արտահանման աճ է արձանագրվել. ավելի քան 25 մլն շիշ՝ վեց ամսվա ընթացքում
Տնտեսություն
03.07.2019 | 17:51
2019 թվականի առաջին կիսամյակում Վրաստանից ՌԴ գինու արտահանման աճ է գրանցվել: Այս մասին գրում է ՏԱՍՍ-ը՝ վկայակոչելով Վրաստանի Գինու ազգային գործակալության տվյալները:
Դրանց համաձայն՝ այս տարվա հունվարից հունիս ընկած ժամանակահատվածում Վրաստանից Ռուսաստան ավելի քան 25 միլիոն շիշ գինի է արձահանվել, ինչը 6 տոկոսով ավելի է նախորդ տարվա նույն ժամանակահատվածի համեմատ:Վրացական գինու արտահանման ոլորտում երկրորդ տեղում տեղում Ուկրաինան. այս տարվա առաջին կիսամյակում՝ ավելի քան 3.7 միլիոն շիշ: Առաջին հնգյակում են նաև Չինաստանը (ավելի քան 3.5 մլն շիշ), Լեհաստանը (1.8 մլն) և Ղազախստանը (1.6 մլն):
Ընդհանուր առմամբ, այս տարվա առաջին վեց ամիսներին Վրաստանը շուրջ 40.5 միլիոն շիշ գինի է արտահանել 44 երկիր, ինչը 6 տոկոսով ավելի է անցյալ տարվա նույն ժամանակահատվածի համեմատ: Արտահանման ընդհանուր ծավալը գերազանցել է 98 միլիոն դոլարը, ինչը 9 տոկոսով ավելի է նախորդ տարվա ցուցանիշների համեմատ:
Հիշեցնենք, որ օրերս առաջ «Ռոսպոտրեբնադզոր»-ը հայտնել էր Վրաստանից Ռուսաստան ներմուծվող ալկոհոլային արտադրանքի որակի վատթարացման մասին՝ նշելով, որ մի շարք ընկերությունների արտադրանքի ներմուծումը ՌԴ տարածք արգելվել է:
