23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Հովհաննես Իգիթյանը բացահայտեց, թե ինչու ԵԽԽՎ-ում ներկա չի եղել ՌԴ-ի հարցի քվեարկությանը. ՏԵՍԱՆՅՈՒԹ
Քաղաքականություն
01.07.2019 | 15:38
Այսօր ԱԺ-ում, ԵԽԽՎ-ում ՀՀ խորհրդարանականների ասուլիսի ժամանակ «Իմ քայլը» խմբակցության անդամ Հովհաննես Իգիթյանն անդրադարձավ ԵԽԽՎ-ում Ռուսաստանին ձայնի իրավունք տալու հարցի քվեարկությանը չմասնակցելուն:
Նա նշեց, որ ՀՀ-ում բոլոր փաստաթղթերն ամբողջությամբ չեն թարգմանվել ու ներկայացվել, կար զեկույց, որը վերաբերում էր կանոնակարգի փոփոխությանը և թույլ էր տալիս նախկինում պատժամիջոցների տակ գտնվող պատվիրակներին վերադառնալ, այսինքն՝ անուղղակի էր վերաբերում ՌԴ-ին, որը ԵԽ կանոնակարգ է:
Հովհաննես Իգիթյանը նշեց, որ եղել են 220 տարբեր առաջարկություններ: Նրա կարծիքով՝ ճիշտ է, երբ պատվիրակությունը ներկա է գտնվում իրեն վերաբերող հարցի քննարկմանը: Նաև հայտնի է, որ կոռուպցիոն երևույթներ են եղել ԵԽԽՎ-ում, մոտ 13 պատգամավորներ մինչև կյանքի վերջ զրկվել են ԵԽԽՎ պատգամավորի ձայնի իրավունքից. «Երբ քվեարկությունը թույլ էր տալիս, ՀՀ-ն 4 ձայնով կողմ է քվեարկել: Դա ստորագրված է մոտ 60 պատգամավորների կողմից, գրեթե բոլոր երկրների, որ այդ կոռուպցիայի հարցը պետք է վերանա և ԵԽԽՎ-ից դուրս գա»:
Մանրամասները՝ տեսանյութում:
Նարեկ Կիրակոսյան
