07.10.2026 | 21:38
Ովքեր են ղեկավարում Սյունիքի համայնքները․ քաղաքական անցյալ, բիզնես կապեր և քրեական վարույթներ
ԱԻ նախարար Ցոլակյանը պարգևատրել է երկու աշխատակցի
Հասարակություն
28.06.2019 | 22:30
ՀՀ արտակարգ իրավիճակների նախարար Ֆելիքս Ցոլակյանը մասնագիտական բարձր պատրաստականությունների կատարման ընթացքում ձեռք բերած հաջողությունների համար և ծննդյան 60-ամյա հոբելյանի կապակցությամբ ԱԻ նախարարության ներքին աուդիտի վարչության պետ Վարուժան Քաբաբյանին հունիսի 28-ին պարգևատրել է «Փառքի խաչ Նոյ» մեդալով:
Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, նույն օրը ՀՀ Ֆելիքս Ցոլակյանը 2019 թ. մայիսի 13-22-ը Ուկրաինայի Լուցկ քաղաքում կայացած փաուերլիֆթինգ սպորտաձևի աշխարհի առաջնությունում պատվավոր առաջին տեղը գրավելու կապակցությամբ ԱԻՆ փրկարար ծառայության Լոռու մարզային փրկարարական վարչության Վանաձորի թիվ 2 հրշեջ-փրկարար, փ/ծ շարքային Զորիկ Պողոսյանին պարգևատրել է «Անվեհեր փրկարար» մեդալով:
Զորիկ Պողոսյանի մարզիչ, ուժային եռամարտի ֆեդերացիայի նախագահ, ՀՀ վաստակավոր մարզիչ Գագիկ Սարոյանը շնորհակալագրեր է հանձնել ԱԻ նախարար Ֆելիքս Ցոլակյանին և ՓԾ տնօրեն Ա. Նահապետյանին` նշելով, որ ֆեդերացիան կանի առավելագույնը` ուժերի ներածի չափով ԱԻ նախարարությանը աջակցելու համար: Նորընծա չեմպիոն Զորիկ Պողոսյանը իր հերթին շնորհակալություն է հայտնել ԱԻ նախարարին` նշելով, որ իր ցանկությունն է հայ երիտասարդների համար դառնալ ուժի, մարդասիրության, կամքի, աշխատասիրության և անվեհեր փրկարարի օրինակ:
