16.12.2025 | 20:36
Ստորագրվել է Հայաստանի և Լյուքսեմբուրգի միջև ռազմավարական գործընկերության մասին համատեղ հռչակագիրը
ԱՄՆ-ը Հայաստանին լրացուցիչ 7 մլն դոլար կհատկացնի՝ ենթակառուցվածքների զարգացման համար
Տնտեսություն
27.06.2019 | 13:45
Կառավարությունը հունիսի 27-ի նիստում հաստատեց «Հայաստանի Հանրապետության կառավարության և Ամերիկայի Միացյալ Նահանգների կառավարության միջև ավելի մրցունակ և զանազանեցված մասնավոր հատվածի շուրջ օժանդակության մասին» համաձայնագրում 12 փոփոխություն կատարելու մասին որոշման նախագիծը և այն ուղարկեց նախագահ Արմեն Սարգսյանի ստորագրմանը։
Նշենք, որ այս 12 փոփոխությամբ նախատեսվում է լրացուցիչ 7,449,000 ԱՄՆ դոլարի չափով ֆինանսական հատկացումներ իրականացնել Հայաստանում, որոնք ուղղվելու են ենթակառուցվածքների, գյուղատնտեսության, զբոսաշրջության ոլորտներում ԱՄՆ ՄԶԳ կողմից իրականացվելիք ծրագրի ֆինանսավորմանը:
Հիշեցնենք, որ ավելի մրցունակ և զանազանեցված մասնավոր հատվածի ձևավորման նպատակով ԱՄՆ-ի կառավարության կողմից ԱՄՆ-ի Միջազգային զարգացման գործակալության միջոցով Հայաստանի կառավարությանը օժանդակություն տրամադրելու նպատակով դեռ 2010 թվականի օգոստոսի 6-ին է կնքվել «Հայաստանի Հանրապետության կառավարության և Ամերիկայի Միացյալ Նահանգների կառավարության միջև ավելի մրցունակ և զանազանեցված մասնավոր հատվածի շուրջ օժանդակության մասին» համաձայնագիր:
Այնուհետև, ամերիկյան կողմից լրացուցիչ ֆինանսական հատկացումների իրականացման նպատակով մշակվել և 2010-2018թթ. ընթացքում ստորագրվել են վերոնշյալ համաձայնագրի փոփոխություններ:
Ամերիկյան կողմից տրամադրվող հատկացումների ընդհանուր գումարը ներկայումս կազմում է 73,255,406,36 ԱՄՆ դոլար, իսկ լրացուցիչ 7,449,000 ԱՄՆ դոլարի չափով ֆինանսական հատկացումների արդյունքում ամերիկյան կողմի տրամադրած դրամաշնորհների ընդհանուր գումարը համաձայնագրի շրջանակներում կկազմի 80,704,406.36 ԱՄՆ դոլար:
