18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Արարատ Միրզոյանին Անվտանգության խորհրդի նիստին մասնակցելու և առաջարկություններ ներկայացնելու իրավունք կտրվի․ փոփոխություն՝ օրենքում
Քաղաքականություն
27.06.2019 | 11:00
ԱԺ «Իմ քայլը» խմբակցության պատգամավոր Աննա Կարապետյանը հանդես է եկել «Ազգային ժողովի կանոնակարգ» սահմանադրական օրենքում և «Անվտանգության խորհրդի կազմավորման և գործունեության մասին» օրենքում փոփոխություններ և լրացումներ կատարելու մասին առաջարկությամբ, որով առաջարկում է Ազգային ժողովի նախագահին իրավունք տալ մասնակցել Անվտանգության խորհրդի նիստերին, ինչպես նաև առաջարկություններ ներկայացնել Անվտանգության խորհրդի նիստի օրակարգի և քննարկվելիք փաստաթղթերի վերաբերյալ։
Նշենք, որ այս հարցը ներառված է Կառավարության` հունիսի 27-ի նիստում։
Հարցը չզեկուցվողներից է։
Այն գործադիրին կներկայացնի Արդարադատության նախարար Ռուստամ Բադասյանը։
Նշենք, որ Անվտանգության խորհուրդը գործադիր լիազորություններով օժտված սահմանադրական մարմին է և նրա կազմում ընդգրկված են գործադիր իշխանության լիազորություններ ունեցող մարմինների ղեկավարներ։
Այժմ առաջարկվում է նկատի ունենալով Հայաստանի Հանրապետության՝ խորհրդարանական կառավարման մոդելը և խորհրդարանական վերահսկողության պատշաճ իրականացման կարևորությունը, Անվտանգության խորհրդի նիստին մասնակցելու իրավունք տալ ԱԺ նախագահին։
