05.02.2026 | 14:18
Ասել են` ժամանցի կենտրոն է լինելու. «Ռոսիա մոլի» աշխատակիցները բողոքում են. ՏԵՍԱՆՅՈՒԹ
Սեդրակ Քոչարյանն ընդդեմ Արթուր Վանեցյանի գործով վճիռը կհրապարակվի հուլիսի 10-ին
Հասարակություն
25.06.2019 | 18:25
Այսօր Երևանի ընդհանուր իրավասության դատարանում կայացավ Սեդրակ Քոչարյանն ընդդեմ Արթուր Վանեցյանի գործով դատաքննությունը, որի ժամանակ կողմերը դատարանին ներկայացրին գործի համար նշանակություն ունեցող ապացույցներ։
Հայցվորի ներկայացուցիչ Անի Ալավերդյանը դատարանում հայտնեց, որ 5 աշխատանքային օրվա ընթացքում դատական ակտի նախագիծ կներկայացնի։
ԱԱԾ տնօրեն Արթուր Վանեցյանի ներկայացուցիչ Վահագն Գրիգորյանն էլ նշեց, որ իրենք չեն ցանկանում նախագիծ ներկայացնել։
Այնուհետև նախագահող դատավոր Աիդա Դավթյանը ապացույցները հետազոտելուց հետո հայտնեց, որ դատարանի վճիռը կհրապարակվի 2019 թ. հուլիսի 10-ին:
Հիշեցնենք, որ ՀՀ երկրորդ նախագահ Ռոբերտ Քոչարյանի որդին՝ Սեդրակ Քոչարյանը, ԱԱԾ տնօրեն Արթուր Վանեցյանից պահանջում է հրապարակայնորեն հերքել նրա կողմից տարածված՝ զրպարտություն պարունակող տեղեկությունները։
