08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Աղբահանության նորաստեղծ հիմնարկի ղեկավարը չգիտի՝ Երևանն աղբից երբ կազատվի. կառույցի բյուջեն 100 մլն դրամ է. ՏԵՍԱՆՅՈՒԹ
17.06.2019 | 17:44
Երևանի ավագանին արտահերթ նիստում հաստատեց «Երևանի աղբահանության և սանիտարական մաքրում» համայնքային հիմնարկ ունենալու որոշումը: Կառույցն ունի 424 աշխատակից:
Հիմնարկի տնօրենի ժամանակավոր պաշտոնակատար Արամ Գրիգորյանը հստակ չի նշում տարածքները, որտեղ այս կառույցն է մաքրություն իրականացնելու: Ասաց՝ կգնան ահազանգերի հետքերով, որտեղ «Սանիթեքը» չի հասցնի մաքրություն անել:
«Երեք հերթափոխով մեքենաներն աշխատելու են»,- ասաց նա, բայց չկարողացավ պատասխանել հարցին՝ արդյո՞ք ավելի արդյունավետ չէր լինի, եթե հստակ տարածքների մաքրությամբ զբաղվեին:
Նա, միաժամանակ, չասաց, թե մաքրության հետ կապված ե՞րբ փոփոխություն կզգան մայրաքաղաքի բնակիչները: Հիմնարկի տնօրենի ժամանակավոր պաշտոնակատար Արամ Գրիգորյանը նաև չգիտի, թե երբ է հիմնարկը սկսելու աշխատանքները:
Նշենք, որ կառույցի բյուջեն տարեկան շուրջ 100 մլն դրամ է:
Մանրամասները՝ տեսանյութում:
Նարեկ Կիրակոսյան
