23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Դատապարտելի ոչինչ չկա. ԱԳ փոխնախարարը՝ ՌԴ դեսպանի և Ռոբերտ Քոչարյանի հանդիպման մասին. ՏԵՍԱՆՅՈՒԹ
Քաղաքականություն
17.06.2019 | 10:53
Հայաստանի ԱԳՆ-ի համար մտահոգիչ չէ, որ ՀՀ-ում Ռուսաստանի դեսպանը հանդիպել է երկրորդ նախագահ Ռոբերտ Քոչարյանի հետ, քանի որ դիվանագիտական արարողակարգը չի խախտվել: Այսօր խորհրդարանում պատասխանելով «Լուսավոր Հայաստան» խմբակցության պատգամավոր Արման Բաբաջանյանի՝ ՌԴ դեսպանի և ՀՀ երկրորդ նախագահ Ռոբերտ Քոչարյանի հանդիպման մասին հարցին՝ ասաց ԱԳ փոխնախարար Գրիգոր Հովհաննիսյանը:
Ընդդիմադիր պատգամավորը, մասնավորապես, հետաքրքրվեց՝ ԱԳՆ-ի համար մտահոգիչ չէ՞, երբ Մարտի 1-ի ոճրագործության մեջ մեղադրվող անձը երկու ժամ հանդիպում է ունեցել մեր բարեկամ ու դաշնակից երկրի դեսպանի հետ: Ինչո՞ւ մինչև հիմա դեսպանը չի կանչվել ԱԳՆ:
«Դիվանագիտական արարողակարգի և նորմերի շրջանակում դեսպանը որևէ սխալ արարք չի գործել: Այն չի կարող դատապարտելի կամ հատուկ քննության առարկա դառնալ մեր գերատեսչության կողմից: Անշուշտ, հանրային կարծիքները մենք բոլորս տեսանք, բայց դիվանագիտական արարողակարգի առումով մենք որևէ կտրուկ առարկություն կամ հայտարարություն չենք կարող անել»,- ասաց ԱԳ փոխնախարարը:
Մանրամասները՝ տեսանյութում։
Շողիկ Գալստյան
