08.10.2026 | 17:01
Վարդաձորում 2-րդ դասարանցու նկատմամբ բռնության դեպքով Տեսչական մարմնի կողմից նախաձեռնվել է վարչական վարույթ
«Կառավարությունը պետք է իր ժողովրդի հետ անկեղծ լինի»․ ՀՀ-ում Էստոնիայի արտակարգ և լիազոր դեսպան
Քաղաքականություն
14.06.2019 | 14:43
Կառավարությունն իր ժողովրդի հետ պետք է անկեղծ լինի և ներկայացնի եվրոպական ինտեգրման գործընթացի ինչպես դրական, այնպես էլ բացասական կողմերը։ Այս մասին Factor.am-ի հետ զրույցում նշեց Հայաստանում և Վրաստանում Էստոնիայի արտակարգ և լիազոր դեսպան Կաի Կաարելսոնը։
«Իհարկե, Եվրամիության հետ հարաբերություններում Հայաստանի և Էստոնիայի նպատակները տարբեր են, բայց հիմնական խնդիրը երկիրը զարգացնելն ու բարելավման տանելն է»,- նշեց դեսպանը։
Ըստ նրա՝ այս հարցում կարևոր է ոչ միայն կառավարության ներգրավվածությունը, այլ նաև ժողովրդի։ «Ժողովուրդը նույնպես կարող է աջակցություն ցուցաբերել՝ քաղաքական գործընթացներում ավելի ակտիվ լինելով և օրենսդիրների վրա որոշակի ճնշում գործադրելով։ Կարևոր են նաև կրթական բարեփոխումները, քանի որ դրանք հետագայում նաև տնտեսական փոփոխությունների են բերում,- ընդգծեց Կաի Կաարելսոնը։
Նրա խոսքով՝ Հայաստանը եվրոպական ինտեգրման գործընթացում բավականին մեծ առաջընթաց է գրանցում։
Համեմատելով Հայաստանի և Վրաստանի ինտեգրացիոն գործընթացները, դեսպանը նշեց․ «Եվրոպական ինտեգրման գործընթացքում այս երկու երկրներում թե՛ նմանություններ, թե՛ տարբերություններ եմ նկատել, չնայած, որ դրանք համեմատելի չեն։ Վրաստանն այս պահին փոքր-ինչ առաջ է, սակայն եվրոպական ինտեգրացիան հիմնականում ուղված է երկրի ու մարդկանց կյանքի բարելավմանը։ Այդ տեսանկյունից երկու երկրներն էլ նույն հեռանկարներն ու նպատակներն ունեն»։
Մանրամասները՝ տեսանյութում:
Նելլի Մելքոնյան
