14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Հետ չեմ կանգնում, նպատակ ունեմ նախաձեռնությունը հասցնել ավարտին. Արմեն Խաչատրյանը՝ աղմկոտ օրենքի մասին. ՏԵՍԱՆՅՈՒԹ
Քաղաքականություն
13.06.2019 | 18:33
ԱԺ «Իմ քայլը» խմբակցության պատգամավոր Արմեն Խաչատրյանը հետ չի կանգնում իր կողմից շրջանառության մեջ դրված աղմկոտ նախագիծն օրենքի վերածելուց: Այս մասին ԱԺ-ում Factor.am-ի հետ զրույցում նշեց պատգամավորը:
Նա, միաժամանակ, ասաց, որ այս պահին օրենքի նախագիծը հետ է կանչել, քննարկումներ է սկսել տարբեր ոլորտների ներկայացուցիչների հետ, բայց նախագիծը, ամեն դեպքում, օրենք դառնալու է:
Հիշեցնենք, որ Արմեն Խաչատրյանն օրենքի նախագծով առաջարկում է քրեականացնել իշխանության ներկայացուցչին հրապարակային վիրավորելը կամ նրա ծառայողական պարտականությունների կատարմանը խոչընդոտելը։ Ըստ նախագծի՝ այդ արարքները կատարելը կպատժվի տուգանքով կամ կալանքով: Խոսքը մեկ ամսով կալանքի և 100 հազար դրամ տուգանքի մասին է:
Մանրամասները՝ տեսանյութում:
Նարեկ Կիրակոսյան
