23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Տեղեկություն չունեմ, որ Սասուն Միքայելյանի հարցով ՔՊ վարչության նիստ պետք է հրավիրվի. Սիփան Փաշինյանը՝ Աբովյանի ընտրությունների մասին. ՏԵՍԱՆՅՈՒԹ
Քաղաքականություն
13.06.2019 | 15:50
Ազգային ժողովի «Իմ քայլը» խմբակցության պատգամավոր Սիփան Փաշինյանը տեղյակ չէ՝ ԵԿՄ նախագահ Սասուն Միքայելյանը, որը ծնունդով Կոտայքի մարզից է, Աբովյանի ընտրություններին աջակցե՞լ է ՔՊ-ի առաջադրած թեկնածուին, թե՞ ոչ։
«Միանշանակ չեմ կարող ասել, պետք է բուն տեղեկատվությանը ծանոթ լինեմ, որ հասկանամ և մեկնաբանեմ»,- ասաց Փաշինյանը՝ պնդելով, որ չի հիշում առաջադրված թեկնածուին վարչությունը միաձա՞յն է ընտրել, թե՞ ոչ։
Մամուլը գրում է, որ թեկնածուի հետ կապված քննարկումներ են եղել, որոշները դեմ են եղել նրա թեկնածությանը։ Երեկ էլ Կոտայքի մարզպետ Ռոմանոս Պետրոսյանը նշեց, որ հետընտրական փուլում վարչապետի հետ որևէ քննարկում չի եղել այդ թեմայով, բայց վարչության նիստում, բնականաբար, քննարկվելու է այն համալիր իրավիճակը, որ արձանագրել են Աբովյանում։ «Իմ քայլի» պատգամավորը վստահեցրեց՝ տեղեկություններ չունի, որ այդ օրակարգով վարչության նիստ է հրավիրվելու։
Հիշեցնենք՝ հունիսի 10-ին Աբովյանի քաղաքապետի ընտրություններում հաղթել է գործող քաղաքապետ, «Բարգավաճ Հայաստան» կուսակցության աջակցությունը վայելող Վահագն Գևորգյանը։
Մանրամասները՝ տեսանյութում։
Շողիկ Գալստյան
