02.11.2024 | 14:03
ՀՀ ոստիկանությունը քաղաքական պատվեր է կատարում․ Հ․ Ավետիսյանը դիմեց Ոստիկանությանը և ԱՄՆ դեսպանին․ ՏԵՍԱՆՅՈՒԹ
Արցախի և Հայաստանի իշխանությունների միջև լարվածություն նախկինում էլ կար, բայց հիմա չափն անցել ենք. Կիրո Մանոյան
Քաղաքականություն
12.06.2019 | 18:16
Ադրբեջանը վերադարձել է մեկ տարի առաջվա իր պահվածքին, Դուշանբեում ձեռք բերված պայմանավորվածությունները, փաստորեն, վերջին շաբաթներին, նույնիսկ կարելի է ասել՝ երկու ամիսներին, չեն աշխատում:
Այսօր՝ հունիսի 12-ին լրագրողների հետ հանդիպմանն այս մասին ասաց ՀՅԴ Հայ դատի և քաղաքական հարցերի գրասենյակի ղեկավար Կիրո Մանոյանը: «Պարզ չէ՝ այն ուղիղ կապը, որ ստեղծվել էր պաշտոնական Երևանի և Բաքվի միջև՝ շփման գծում զինադադարի խախտումների հետ կապված, այսօր աշխատո՞ւմ է, թե՞ չի աշխատում: Բայց եթե մի քիչ ավելի գլոբալ վերցնենք, մեր տարածաշրջանում կան տարբեր զարգացումներ, որոնք անպայման իրենց ազդեցությունը կունենան նաև Հայաստանի արտաքին հարաբերությունների վրա, կազդեն Արցախի հարցի վրա: Դա ԱՄՆ-Իրան, ԱՄՆ-Թուրքիա, ԱՄՆ-Ռուսաստան լարվածությունն է»,- ասաց Կիրո Մանոյանը:
Նրա համոզմամբ՝ Հայաստանը պետք է շարունակի պնդել, որ Արցախը մասնակցի բանակցություններին:
«Հայաստան-Արցախ ռազմաքաղաքական դաշինքի վերաբերյալ իրավական փաստաթուղթ ստորագրելն անհրաժեշտ է: Այն պետք է հստակ ամրագրի, որ բանակցություններում Հայաստանը չի կարող փոխարինել Արցախին, որ Հայաստանն ընդհանրապես հանդես է գալու որպես Արցախի անվտանգության երաշխավոր»,- ասաց դաշնակցական գործիչը: Կիրո Մանոյանը մտահոգիչ է համարում տարածաշրջանում Ադրբեջանի և Թուրքիայի ռազմական ակտիվությանը, սակայն, ըստ նրա, առավել մտահոգիչ են Արցախի և Հայաստանի հարաբերությունները:
«Դրանք բավականին լարված վիճակ են ներկայացնում, մեկ մասը՝ իրական, մեկ մասը՝ սարքովի: Իրականում այդ լարվածության հիմքը կա, որը, կարելի է ասել, առնվազն վերջին 20 տարիներին աննախադեպ է: 20 տարի եմ ասում, որովհետև Լևոն Տեր-Պետրոսյանի ղեկավարության ժամանակ եղավ պահ, որ Արցախի և Հայաստանի իշխանությունների միջև հարաբերությունները բավականին լարված էին: Եթե նույնիսկ այսքան հրապարակային տեղի չէր ունենում, բայց կար և որոշ չափով դրսևորվում էր, բայց այս անգամ, կարելի է ասել, չափն անցել ենք, և դա մտահոգիչ է»,- ասաց Կիրո Մանոյանը:
