19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ․ ՏԵՍԱՆՅՈՒԹ
Վլադիմիր Պուտինի այցը Երևան ակնկալում ենք հոկտեմբերին՝ ԵՏՄ Բարձրագույն խորհրդի նիստի առիթով․ դեսպան. ՏԵՍԱՆՅՈՒԹ
Քաղաքականություն
11.06.2019 | 13:28
Հայաստանի ներքաղաքական իրադարձություններից հետո, անցած մեկ տարվա ընթացքում, հայ-ռուսական հարաբերությունները կայուն զարգանում են, դրանք բարձր մակարդակի վրա են և ռազմավարական բնույթ ունեն: Այսօր՝ հունիսի 11-ին հրավիրված ասուլիսում ասաց Հայաստանում ՌԴ դեսպան Սերգեյ Կոպիրկինը:
«Միաժամանակ, այդ հարաբերությունները հարմարվում են նոր իրողություններին, նոր խնդիրներին ու պահանջմունքներին»,- հավելեց դեսպանը:
Կոպիրկինը նշեց, որ այս ընթացքում բարձր մակարդակով կանոնավոր շփումները շարունակվել են. տեղի են ունեցել երկու երկրների ղեկավարների՝ Վլադիմիր Պուտինի և Նիկոլ Փաշինյանի հանդիպումները, Հայաստանի վարչապետը հանդիպել է նաև ՌԴ վարչապետ Դմիտրի Մեդվեդևի հետ:
«Առանձին կցանկանայի ընդգծել Հայաստանի նախագահությունը Եվրասիական տնտեսական հանձնաժողովի ղեկավար մարմիններում: Պետք է ասեմ, որ Ռուսաստանում բարձր գնահատեցին տարեսկզբին Նիկոլ Փաշինյանի այցը Մոսկվա, որտեղ ներկայացվեցին ԵՏՄ-ում Հայաստանի նախագահության առաջնահերթությունները», – ասաց դեսպանը:
Սերգեյ Կոպիրկինը հիշեցրեց, որ որոշվել է հոկտեմբերին ԵՏՄ Բարձրագույն տնտեսական խորհրդի նիստը՝ երկրների ղեկավարների մասնակցությամբ, անցկացնել Երևանում:
«Բնականաբար, մենք ակնկալում ենք այդ առիթով ՌԴ նախագահի այցը Երևան», – ասաց դեսպանը:
Մանրամասները՝ տեսանյութում:
