08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Փոխվարչապետ Մհեր Գրիգորյանը՝ գազի գնի շուրջ ընթացող բանակցությունների մասին. ՏԵՍԱՆՅՈՒԹ
Տնտեսություն
10.06.2019 | 13:45
Շատ բաղադրիչներ կան, որոնք նշանակություն ունեն գազի գնի վերջնական ձևավորման հետ կապված: Այս մասին այսօր խորհրդարանում լրագրողների հետ զրույցում ասաց ՀՀ փոխվարչապետ Մհեր Գրիգորյանը՝ անդրադառնալով գազի գնի շուրջ ընթացող բանակցություններին:
Փոխվարչապետի փոխանցմամբ՝ ցանկացած հանդիպման ընթացքում այդ հարցը քննարկվում է, բայց դեռևս չկա վերջնական պայմանավորվածություն:
«Այդ պայմանավորվածություններն այս փուլում չէին էլ կարող ամփոփվել, քանի որ բանակցությունների մի հատվածը վերաբերում է մարժային, այսինքն՝ սակագնի ձևավորմանը ՀՀ տարածքում «Գազպրոմ Արմենիայի» կողմից, և սահմանին գազի գնին, որը մեկ այլ բանակցությունների առարկա է: Շարժվում ենք այդ ուղղությամբ, հուսանք, որ հնարավոր կլինի սակագինը չբարձրացնել»,- ընդգծեց փոխվարչապետը:
Մանրամասները՝ տեսանյութում:
Շողիկ Գալստյան
