18.12.2025 | 22:49
Համբերությունը սպառվում է. Թուրքիան զգուշացրել է Սիրիայի քրդական ուժերին
Դատապարտում եմ այդ զազրելի արարքը. իրավապահները դրա գնահատականը կտան. Վահագն Գևորգյան
Քաղաքականություն
09.06.2019 | 12:06
Կոտայքի մարզի Աբովյան քաղաքի թիվ 6 դպրոցում տեղակայված ընտրական տեղամասում քվեարկեց Աբովյանի քաղաապետի թեկնածու, գործող քաղաքապետ Վահագն Գեւորգյանը: Լրագրողների հետ զրույցում, անդրադառնալով հունիսի 8-ին Աբովյանում ՔՊ թեկնածուի շտաբներից մեկի պետի հետ կապված միջադեպին, Գեւորգյանը դատապարտեց այն եւ նշեց, որ իրենց ձեռնտու չէր ընտրություններից մեկ օր առաջ նման միջադեպի գրանցումը:
«Ինքս դատապարտում եմ նման ստոր, զազրելի արարքը, համենայն դեպս գնահատականը կտան իրավապահները, կարծում եմ նորմալ, խոհեմ ցանկացած մարդ դատապարտում է նման արարքը»,-ասաց նա:
Արձագանքելով ԲՀԿ-ի աջակցության մասին լուրերին՝ Վահագն Գեւորգյանը նշեց, որ երեբեւէ կուսակցական չի եղել եւ այժմ էլ առաջադրվում է որպես անկուսակցական:
Հիշեցնենք, որ երեկ գիշեր Աբովյանում հրկիզել են քաղաքապետի ՔՊ-ական թեկնածու Գրիգոր Գուլյանի նախընտրական շտաբներից մեկի պետ Վահան Սարիբեկյանի բնակարանն ու մեքենան։
