07.05.2024 | 22:38
Ստամբուլում մեկ այլ եկեղեցու մզկիթի վերածելը վիրավորում է նրա բնույթը․Հունաստանի ԱԳՆ-ն՝ Թուրքիային
ՏԱՐԱԿԱՐԾԻՔ.«Անձնական տվյալների պաշտպանության մասին» օրենքի փոփոխությունն ինչպե՞ս կազդի լրատվամիջոցների գործունեության վրա
Հաղորդաշարեր
07.09.2017 | 19:27
Եթե նախկինում անձնական տվյալներ հավաքելու և մշակելու արգելքը չէր տարածվում միայն լրատվամիջոցների և գրական գեղարվեստական ստեղծագործությունների վրա, ապա 2016 թվականի հունիսի 17-ից «Անձնական տվյալների պաշտպանության մասին» օրենքում կատարված փոփոխությունների արդյունքում արդեն լրագրողները ևս զրկվում են այդ հնարավորությունից։
Ուշագրավն այն է, որ լրատվամիջոցներն ու լրագրողական կազմակերպությունները օրենքի՝ ուժի մեջ մտնելուց միայն մեկ տարի անց են տեղեկացել փոփոխության մասին։ Լրատվամիջոցների ներկայացուցիչներից շատերն արդեն մտահոգություն են հայտնել, որ օրենքի փոփոխությունը հետագայում կարող է իրենց դեմ կիրառվել՝ սահմանափակելով լրագրողական հետաքննությունների շրջանակներում տեղեկություններ հավաքագրելու և հրապարակելու գործընթացը։
Ի վերջո՝ ինչո՞ւ է «Անձնական տվյալների պաշտպանության մասին» օրենքում այս կարևոր փոփոխությունը կատարվել առանց շահագրգիռ կողմերի հետ քննարկումների, որն է այդ փոփոխության նպատակը և արդյոք այն չի դառնա զսպող գործիք լրատվամիջոցների համար։
Թեմայի շուրջ Factor.am-ը զրուցել է ԱՆ անձնական տվյալների պաշտպանության գործակալության վարչական վարույթների իրականացման բաժնի պետ Գևորգ Հայրապետյանի և «Հրապարակ» օրաթերթի գլխավոր խմբագիր Արմինե Օհանյանի հետ։
Առավել մանրամասն՝ տեսանյութում։
Սեդա Ղուկասյան
