28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Պարո՛ն Գորգիսյան, պետք է քթի ծակ ունենայիք ու հասկանայիք՝ այդ պատմությունը սուտ է․ Նիկոլայ Բաղդասարյանը՝ Գևորգ Գորգիսյանին․ ՏԵՍԱՆՅՈՒԹ
Քաղաքականություն
07.06.2019 | 14:46
Ազգային ժողովի «Իմ քայլը» խմբակցության պատգամավոր Նիկոլայ Բաղդասարյանը վստահեցնում է՝ սուտ է այն պատմությունը, թե իբրև փողոցում սևազգեստ ոստիկանները քաղաքացու են ծեծել։
«Պարո՛ն Գորգիսյան, էդ պատմությունը, ով որ Ձեզ պատմել է, սուտ է ասել․ բացառվում է 100 տոկոսով, որ ՀՀ-ում նման դեպքով մարդուն ճանապարհին բռնեն, ծեծեն, դնեն մեքենան։ Նման բան անգամ նախորդ իշխանության ժամանակ ՀՀ-ում տեխնիկապես էլ հնարավոր չէր․ նախորդ իշխանության ժամանակ, եթե ծեծեում էին, քաղմասում էին ծեծում, որ մարդ չտեսներ»,- ասաց Նիկոլայ Բաղդասարյանը։
Պատգամավորը Գորգիսյանին խոստացավ ընդմիջմանը առավել մանրամասն բացատրել, թե ինչու նման բան հնարավոր չէր։
«Երևի նա, ով հորինել է, մասնագետ չի եղել, դուք էլ որպես պատգամավոր, տատուս ասած, պետք է հոտառություն՝ «քթի ծակ» ունենայիք ու հասկանայիք, որ դա սուտ պատմություն է, հետևաբար, կարծում եմ, այդպես պետք չէր դրամատիզացնել»,- ասաց Բաղդասարյանը։
Ի պատասխան՝ Գևորգ Գորգիսյանը նշեց, որ ծեծը տեսանկարահանվել է, կա նաև քաղաքացու քթի կոտրվածքի մասին բժշկական տեղեկանք, որն այս պահին հանձնվում է համապատասխան մարմիններին։
