«Հետախուզում-2019» օպերատիվ-կանխարգելիչ միջոցառման շրջանակներում մայիսի 31-ին, ժամը 16.45-ին, ոստիկանության Ախուրյանի բաժնում տվյալներ են ստացվել, որ Գյումրի քաղաքի մի բնակիչ տանն ապօրինի զենք-զինամթերք և թմրանյութ է պահում: Այս մասին հայտնում են ՀՀ ոստիկանությունից:
Հարուցված քրեական գործի շրջանակներում, հունիսի 1-ին, ժամը 08.50-ին, ոստիկանության Ախուրյանի և Կումայրիի բաժինների ծառայողները համատեղ կատարած խուզարկությամբ 33-ամյա տղամարդու տան ննջասենյակի պահարանից հայտնաբերել և առգրավել են 9 մմ տրամաչափի 19 փամփուշտ և 3 գնդակ, իսկ տանիքից՝ «ԱԿՄ» տիպի ինքնաձիգ` առանց խզակոթի, «Ֆ-1» և «ՌԳԴ-5» տիպի նռնակներ` առանց պայթուցիչների, նռնակի 1 պայթուցիչ, անհայտ տեսակի ատրճանակի մեկ փամփշտատուփ, 1 հատ զենքի յուղման դատարկ տարա, ինքնաձիգի 2 անհայտ դետալներ, 5.6 մմ տրամաչափի 11 փամփուշտ, ինքնաձիգի 7 դատարկ փամփշտատուփ և տարբեր տրամաչափի ինքնաձիգի 279 փամփուշտ:
Տղամարդը հայտնել է, որ նշված զենք-զինամթերքը պատկանել է հանգուցյալ հորը:
Նշանակվել են դատաձգաբանական և պայթունատեխնիկական փորձաքննություններ:
Կատարվում է հետաքննություն:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
