Քաղաքականություն
29.05.2019 | 20:48
Թուրքիայի պաշտպանության նախարար Հուլուսի Աքարը կասկած է հայտնել, որ ռուսական S-400 ՀՕՊ համակարգերը կմտակարարվեն ժամանակից շուտ. գրում է ermenihaber-ը:
Ըստ ռուս-թուրքական պայմանագրի՝ այդ համակարգերը պետք է մատակարարվեին 2019-ի հուլիսին, սակայն ԱՄՆ-ի զգուշացումներից և սպառնալիքներից հետո Թուրքիան Ռուսաստանից խնդրել էր, որ այդ համակարգերը մատակարարվեն մեկ ամիս ավելի շուտ՝ հունիսին։
Հիմա Աքարի խոսքից պարզ է դառնում, որ գործընթացը չի հասցնի հունիսին ավարտվել, ուստի ժամկետները կարող են հետաձգվել:
«Այդուհանդերձ S-400 համակարգերն առաջիկա ամիսներին կտրամադրվեն Թուրքիային։ Գործընթացը սկսված է»,- ասել է Թուրքիայի պաշտպանության նախարարը:
Նա ակնարկելով, որ Թուրքիան չի հրաժարվի S-400-ներից, ասել է, որ ռուս-թուրքական գործարքն արդեն կայացել է։
