10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
Պետք է անցած լիներ ժամանակը, երբ հանցագործները քաղաքական միավոր են ստեղծում․ Միքայել Նահապետյան. ՏԵՍԱՆՅՈՒԹ
Քաղաքականություն
29.05.2019 | 12:06
ՀՔԾ որոշումը՝ քրեական հետապնդում չհարուցել ԲՀԿ առաջնորդ Գագիկ Ծառուկյանի նկատմամբ, ինչի հետևանքով նա ձեռնարկատիրական գործունեությամբ զբաղվելու հիմքով չզրկվեց մանդատից, որոշ շրջանակներ մեկնաբանում են իբրև իշխանության՝ քաղաքական կամքի բացակայության արդյունք։
Այն, որ հարցը պետք է դիտարկել քաղաքական տեսանկյունից, ըստ «Քաղաքացու որոշում» կուսակցության մամուլի խոսնակ Միքայել Նահապետյանի, պարզ է դարձել ԱԺ նախագահ Արարատ Միրզոյանի խոսքից, թե Ծառուկյանի նկատմամբ իրավական գործընթացը կարող է դիտարկվել իբրև քաղաքական ճնշում։
«Բայց ես ուզում եմ շատ հստակ լինի, որ քաղաքականության հետևում հանցագործություններ թաքցնելու պրակտիկան քաղաքացիները որոշել են թողնել հետևում։ Պետք է անցած լիներ այն ժամանակը, երբ հանցագործները հավաքվում են, ստեղծում տարբեր քաղաքական միավորումներ, այդ միջոցով արտոնություններ փախցնում, այդ միջոցով թաքնվում քրեական հետապնդումից և որևէ անհարմար իրավիճակում սկսում բղավել, որ իրենց քաղաքական հետապնդման են ենթարկում»,- ասաց Միքայել Նահապետյանը։
Նրա խոսքով՝ կառավարող ուժի լեգիտիմությունը նաև այն նպատակով է, որ օրենքով սահմանվածն իրականություն դառնա՝ առանց նման շահարկումների։
Մանրամասները՝ տեսանյութում;
Ռոբերտ Անանյան
