08.08.2026 | 13:20
«Ծիրան» սուպերմարկետում հացի արտադրամասի գործունեությունը կասեցվել է՝ սանիտարական խախտումների պատճառով
Ինչո՞ւ պետք է խուսափեմ. Գագիկ Ծառուկյանը՝ Ռոբերտ Քոչարյանի հետ հանդիպելու մասին. ՏԵՍԱՆՅՈՒԹ
Քաղաքականություն
29.05.2019 | 12:12
ԲՀԿ-ի օրակարգում այս պահին Ռոբերտ Քոչարյանի հետ համագործակցություն չկա: Այս մասին ԱԺ-ում լրագրողների հետ զրույցում ասաց ԲՀԿ ղեկավար Գագիկ Ծառուկյանը:
Անդրադառնալով Ռոբերտ Քոչարյանի խափանման միջոցի փոփոխության հարցին՝ նա ասաց. «Ինչ օրենքն է, օրենքի սահմաններում կատարվել է»:
Գագիկ Ծառուկյանը Ռոբերտ Քոչարյանի հետ նրա՝ ազատության մեջ լինելուց հետո չի հանդիպել: «Ո՛չ հանդիպել եմ, ո՛չ զանգել եմ»,- հավաստեց նա: Factor.am-ի հարցին՝ խուսափո՞ւմ է Ռոբերտ Քոչարյանի հետ համագործակցելուց՝ ԲՀԿ ղեկավարը պատասխանեց. «Բայց ինչո՞ւ պետք է խուսափեմ: Չի եղել, չենք զանգել, կապ չկա»:
Հարցից, թե ժամանակին Ռոբերտ Քոչարյանն աջակցել է իր բիզնեսներին, Ծառուկյանը սրտնեղեց. «Ինձ ոչ մեկը չի աջակցել, որևէ մեկի առաջ պարտավորություն չունեմ»:
Մանրամասները՝ տեսանյութում:
Նարեկ Կիրակոսյան
