15.10.2026 | 12:00
ՀԷՑ-ը դառնում է պետական, կառավարման ենք հանձնելու թոփ ընկերության, չենք մասնավորեցնելու. Փաշինյան․ ՏԵՍԱՆՅՈՒԹ
Հյուսիսային Կորեայում խոտ կուտեն, բայց միջուկային փորձարկումներից չեն հրաժարվի. Պուտին
Քաղաքականություն
05.09.2017 | 15:06
ԿԺԴՀ-ն պատժամիջոցների ճնշման տակ չի հրաժարվի միջուկային զենքի մշակումից , քանի որ այդ ծրագիրն անվտանգության հարց է համարում. ասել է ՌԴ նախագահ Վլադիմիր Պուտինը, փոխանցում է ria.ru-ն:
ՌԴ նախագահը հիշեցրել է Իրաքի ու Սադամ Հուսեյնի մահապատժի պատմությունը, երբ վերջինս հրաժարվել էր զանգվածային ոչնչացման զենքի արտադրությունից, բայց զենքի որոնման պատրվակով սպանվել իր ընտանիքի անդամների հետ միասին:
«Չէ՞ որ սա բոլորը գիտեն, բոլորը հիշում են: Հյուսիսային Կորեայում նույնպես դրա մասին լավ գիտեն ու հիշում են: Դուք կարծում եք, որ ինչ-որ պատժամիջոցների ընդունման պատճառով Հյուսիսային Կորեան կհրաժարվի՞ զանգվածային ոչնչացման զենքի ստեղծմանն ուղղված իր քաղաքական կուրսից»,- հայտարարել է Պուտինը մամուլի ասուլիսի ժամանակ:
«Ռուսաստանը դատապարտում է Հյուսիսային Կորեայի այդ «վարժանքները»: Մենք կարծում ենք, որ դրանք սադրիչ բնույթ են կրում»,- ընդգծել է նա:
Երկրի նախագահը նշել է, որ «տվյալ պարագայում ցանկացած տեսակի պատժամիջոցների կիրառումն արդեն անօգուտ և անարդյունավետ է»:
«Նրանք, ինչպես ես երեկ ասացի իմ գործընկերների հետ հանդիպմանը, խոտ կուտեն, բայց չեն հրաժարվի այդ ծրագրից, եթե իրենց անվտանգ չզգան, հասկանո՞ւմ եք»,- ասել է Ռուսաստանի նախագահը:
