08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թրամփը Թուրքիայից ԱՄՆ ներմուծվող պողպատի մաքսատուրքի դրույքաչափը սահմանել է 25%
Տնտեսություն
17.05.2019 | 10:58
ԱՄՆ-ի նախագահ Դոնալդ Թրամփը գրավոր հայտարարությամբ տեղեկացրել է պողպատի մաքսատուրքի վերջին կանոնակարգման վերաբերյալ, որով ԱՄՆ-ն Թուրքիայից ներմուծվող պողպատի մաքսատուրքը 50%-ից իջեցնում է 25%-ի. գրում է ermenihaber-ը:
Թրամփը նշել է, թե ինչու էր նախկինում սահմանված պողպատի մաքսատուրքի դրույքաչափը 25%-ից բարձրացրել 50%-ի, ապա նորից սահմանում 25%: Նրա խոսքով` Թուրքիայից ԱՄՆ ներմուծվող պողպատե արտադրանքների ծավալը 48%-ով նվազել էր: Թրամփն ընդգծել է, որ այժմ պողպատի ներմուծման ծավալը նվազել է 12%-ով և այդ պատճառով հարկ է համարել իջեցնել մաքսատուրքի դրույքաչափը 25%-ի:
Հիշեցնենք, որ 2018թ. օգոստոսի 10-ին թուրք-ամերիկյան հարաբերությունների սրման ժամանակաշրջանում ԱՄՆ-ը Թուրքիայից ներմուծվող պողպատի մաքսատուրքի դրույքաչափը դարձրել էր 50%, իսկ ալյումինի ներմուծման մաքսատուրքի դրույքաչափը սահմանել 20%: Իսկ Թուրքիան նշել էր, որ ԱՄՆ-ի այդ որոշումը դեմ է Առևտրի համաշխարհային կազմակերպության օրենքներին:
