06.06.2026 | 19:05
Բիթքոյնը կորցնում է գրավչությունը․ ներդրողները նախընտրում են AI ընկերություններն ու խոշոր IPO-ները
Երևանում մայիսի 17-18-ը կանցկացվի սպորտային պարերի մինչև 21 տարեկանների աշխարհի առաջնություն
Մշակույթ
10.05.2019 | 20:00
Կառավարությունը պահուստային ֆոնդից գումար կհատկացնի մայիսի 17-18-ը Երևանում կայանալիք սպորտային պարերի մինչև 21 տարեկանների աշխարհի առաջնության անցկացման ապահովման նպատակով: Մրցույթին կարող են մասնակցել Երևանի և ՀՀ մարզերի սպորտային ակումբների նախապես հայտավորված մինչև 21 տարեկան մարզիկներն ու մարզուհիները, ինչպես նաև արտերկրից հրավիրված մարզիկներն ու մարզուհիները։ Ընդհանուր առմամբ միջոցառմանը հնարավորություն կունենան մասնակցելու 30 երկրների ավելի քան 1000 մարզիկ-մարզուհիներ:
Մրցույթը Հայաստանում անցկացնելը շատ մեծ կարևորություն ունի Հայաստանում սպորտային պարերի մասսայականացման, զարգացման, առողջ ապրելակերպի, սպորտային վարպետության բարձրացման հարցերում։ Ոլորտում դրական փոփոխություններից զատ՝ այս մրցույթը Հայաստանում կազմակերպելը մեծ դրական ազդեցություն կարող է ունենալ նաև ՀՀ զբոսաշրջության, հետևաբար նաև տնտեսության վրա։
