Այս տարվա Հայաստանի անկախության օրվան նվիրված միջոցառումների էպիկենտրոնը լինելու է Գյումրին։ Սեպտեմբերի 21-ին Հայաստանի անկախության 28-ամյակին նվիրված համապետական տանակատարությունները հյուրընկալի Հայաստանի մշակութային մայրաքաղաքը։ Այս մասին տեղեկանում ենք ՀՀ վարչապետի աշխատակազմի ղեկավար Էդուարդ Աղաջանյանի ֆեսբուքյան գրառումից։
«Ուրախ եմ տեղեկացնել, որ 2019-ի Սեպտեմբերի 21-ին ՀՀ Անկախության 28-ամյակին նվիրված համապետական տոնակատարությունների Էպիկենտրոնը լինելու է Շիրակի մարզում, մանավորապես՝ ՀՀ մշակութային մայրաքաղաք՝ Գյումրիում:
Այսուհետ ամեն տարի այդ օրվա միջոցառումների զգալի մասը կենտրոնանալու է ՀՀ տասը մարզերից որևէ մեկում: Խթանենք համաչափ զարգացումն ու ներքին զբոսաշրջությունը»,- գրել է Էդուարդ Աղաջանյանը։
