13.10.2026 | 23:30
«Կազիմիր Պուլասկի» հիմնադրամի նախագահի հետ քննարկվել են փոխգործակցության հարցեր
Բռնցքամարտի միջազգային առաջնությունից արցախցիները կրկին վերադարձել են հաղթանակով
08.05.2019 | 19:42
Ապրիլի 31-ից մայիսի 5-ը Ռուսաստանի Դաշնության Ստավրոպոլի երկրամասի Սուվորովսկայա ավանում կայացած Բռնցքամարտի միջազգային առաջնությանն արցախցի մարզիկները գրավել են մրցանակային տեղեր:
«Արցախպրես»-ի թղթակցի հետ զրույցում բռնցքամարտի մարզիչ Նարեկ Աբրահամյանն ասել է, որ Արցախի թիմը բաղկացած էր վեց անդամներից, որոնցից երկուսը գրավել են առաջին, երկուսը՝ երկրորդ, իսկ երկուսն էլ երրորդ մրցանակային տեղեր:
«Առաջին մրցանակային տեղ են գրավել 36 կգ քաշային կարգում Էրիկ Առուստամյանը և 48 կգ քաշային կարգում Մանվել Պետրոսյանը, երկրորդ մրցանակային տեղ՝ 48 կգ քաշային կարգում Արայիկ Պետրոսյանը և 44.5 կգ քաշային կարգում Գոռ Բեգլարյանը, իսկ երրորդ մրցանակային տեղ՝ 54 կգ քաշային կարգում Աշոտ Բեգլարյանը և 57 կգ քաշային կարգում Ալեքս Պետրոսյանը: Մրցանակային տեղեր գրաված բռնցքամարտիկները պարգևատրվել են մեդալներով և պատվոգրերով: Բացի դրանից, Մանվել Պետրոսյանը արժանացել է «Լավագույն տեխնիկա», իսկ Էրիկ Առուստամյանը «Հաղթական կամքի համար» գավաթներին: Չնայած մրցաշարին մասնակցում էին Ադրբեջանից, սակայն դա մեզ համար խոչընդոտ չհանդիսացավ մասնակցելու և հաղթանակներ գրանցելու: Մեր մարզիկ Աշոտ Բեգլարյանը հաղթել է ադրբեջանցի մարզիկի Շահիմ Ալիևին: Պետք է նշեմ, որ մեր մարզիկները պատվով են ներկայացրել Արցախը և նրանց գրանցած արդյունքների համար շնորհակալ ենք նաև ԱՀ կրթության, գիտության և սպորտի փոխնախարար Աշոտ Դանիելյանին մեզ քաջալերելու նպատակով»,- մանրամասնել է Ն. Աբրահամյանը:
Նրա խոսքով՝ Մեծ Հայրենական պատերազմին նվիրված առաջնությանը մասնակցում էին վեց երկրների ավելի քան 350 մարզիկներ:
«Այս հաղթանակը մենք նվիրում ենք Մայիսյան եռատոնին, և, առհասարակ, մեր բոլոր զոհված ազատամարտիկների հիշատակին: Այս տարի սա երրորդ միջազգային մրցաշարն է, որին մասնակցել են արցախցի մարզիկները: Առջևում ևս ունենք մրցաշար, որին մասնակցելու ենք: Փորձելու ենք պատվով ներկայացնել Արցախը և կրկին նոր մեդալներով վերադառնալ հայրենիք»,- ավելացրել է Ն. Աբրահամյանը:
