08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
«Իմ քայլը» էթիկայի հանձնաժողով չի ստեղծի. Լիլիթ Մակունց. ՏԵՍԱՆՅՈՒԹ
Քաղաքականություն
07.05.2019 | 15:18
ԱԺ «Իմ քայլը» խմբակցությունում քննարկել են էթիկայի հանձնաժողով ստեղծելու մասին «Քաղաքացու որոշում» կուսակցության առաջարկը և որոշել, որ այս պահին կարևոր է սպասել իրավապահ մարմինների եզրակացությանը: Ազգային ժողովում լրագրողների հետ զրույցում այս մասին ասաց «Իմ քայլը» խմբակցության ղեկավար Լիլիթ Մակունցը:
«Սա չի նշանակում, որ մենք որևէ փուլում բացառում ենք էթիկայի հանձնաժողով ստեղծելը, բայց այս պահին նպատակահարմար ենք համարում սպասել իրավապահ մարմինների եզրակացությանը»,- հավելեց նա:
Լրագրողի հարցին՝ հիմա ԲՀԿ առաջնորդ Գագիկ Ծառուկյանն օլիգա՞րխ է, թե՞ խոշոր սեփականատեր, ինչպես Նիկոլ Փաշինյանն է բնորոշել, Լիլիթ Մակունցը պատասխանեց, որ օլիգարխ նշանակում է իշխանության և բիզնեսի սերտաճում. «Կառավարող ուժը, խորհրդարանական մեծամասնությունը չի ասոցացվում որևէ օլիգարխիայի հետ: Օլիգարխները կարող են լինել միայն այս տիրույթում»:
Մանրամասները՝ տեսանյութում:
Շողիկ Գալստյան
