16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Մարզերում ԱԺ արտագնա նիստեր անելը կարող է սպառնալ պատգամավորների անվտանգությանը․ Սերգեյ Բագրատյանի առաջարկը Կառավարությունը մերժեց․ ՏԵՍԱՆՅՈՒԹ
Քաղաքականություն
02.05.2019 | 12:01
Ազգային ժողովի «Բարգավաճ Հայաստան» խմբակցության պատգամավոր Սերգեյ Բագրատյանը Կառավարության համաձայնությանն է ներկայացրել օրենսդրական նախաձեռնություն, որով առաջարկվում է Կառավարության նիստերը տարեկան երկու անգամ անցկացնել մարզերում։
Հարցի զեկուցող, արդարադատության նախարար Արտակ Զեյնալյանը նշեց, որ առաջարկում են ձեռնպահ մնալ նման փոփոխություններից, քանի որ այն անհամաչափ բեռ և ծախս կարող է հանդիսանալ պետական բյուջեի վրա, բացի այդ, կարող է սպառնալիք հանդիսանալ ԱԺ պատգամավորների անվտանգության համար։
Ըստ նախարարի՝ բաց է մնում հարցը, թե ինչպես է ՀՀ մարզերում ապահովվելու հերթական նստաշրջանի ընթացքում առնվազն մեկ արտագնա նիստ գումարելու պահանջը` հաշվի առնելով մարզերում քվեարկության համար անհրաժեշտ տեխնիկական միջոցների բացակայությունը, մյուս կողմից դեռ հարց է, թե արդյոք ՀՀ բոլոր մարզերն ապահովված են տեխնիկական միջոցներով հագեցած և Ազգային ժողովի պատգամավորների սահմանված քանակի տեղակայման պահանջները բավարարող համապատասխան չափսերի դահլիճներով, ինչը կերաշխավորի Ազգային ժողովի նիստերի բնականոն գործընթացը:
Սերգեյ Բագրատյանի ներկայացրած օրենսդրական նախաձեռնությունը Կառավարությունը մերժեց։
Մանրամասները՝ տեսանյութում։
