23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Վարչապետն ինքը հայտարարեց, որ ԱԺ-ում օլիգարխներ, գործարարներ չկան. Սերգեյ Բագրատյանը՝ Ծառուկյանի մասին. ՏԵՍԱՆՅՈՒԹ
Քաղաքականություն
30.04.2019 | 11:40
Եթե որևէ մեկը հայտարարություն է անում անձի վերաբերյալ, պետք է ինքը ապացուցի, թող փորձեն ապացուցել, որ նման բան կա: Ազգային ժողովում լրագրողների հետ զրույցում այս մասին ասաց «Բարգավաճ Հայաստան» խմբակցության պատգամավոր Սերգեյ Բագրատյանը՝ անդրադառնալով «Քաղաքացու որոշում» կուսակցության հայտարարությունն այն մասին, որ Գագիկ Ծառուկյանը ձեռնարկատիրական գործունեությամբ է զբաղվում, ինչը հակասում է պատգամավորական գործունեությանը:
«Վարչապետը հստակ հայտարարեց, որ չկան օլիգարխներ խորհրդարանում, չկան գործարարներ, կան սեփականատերեր: Մենք հիմք ենք ընդունում երկրի բարձրագույն իշխանության հայտարարությունը: Դա է ինձ համար հիմք»,- հավելեց պատգամավորը:
Հարցին՝ Գագիկ Ծառուկյանն օտարերկրյա գործարարների, ներդրողների հետ որպես պատգամավո՞ր է հանդիպում, թե՞ որպես գործարար, Սերգեյ Բագրատյանն ասաց. «Ներդրողներին պետք է ես, դուք, բոլորս, նաև պարոն Ծառուկյանը պետք է հրավիրենք մեր երկիր և փորձենք ապացուցել, որ մեր երկրի գրավչությունը բավարար է ներդրումների համար: Եթե դա դատապարտելի եք համարում, ձեր իրավունքն է»:
Մանրամասները՝ տեսանյութում:
