02.11.2024 | 12:27
Հովհաննես Ավետիսյանի ասուլիսը. ՈՒՂԻՂ
Բա ես գրառում ջնջող տղա՞ եմ․ Գևորգ Պետրոսյանը ֆեյսուքից «անհետանալու» մասին
Քաղաքականություն
29.04.2019 | 14:33
Ազգային ժողովի «Բարգավաճ Հայաստան» խմբակցության պատգամավոր Գևորգ Պետրոսյանի ֆեյսբուքյան էջն ապաակտիվացվել է։
Factor.am-ին փոխանցած տեղեկության համաձայն՝ պատգամավորի էջն ապաակտիվացել է նրա ֆեյսբուքյան գրառումներից մեկից հետո, որը պատգամավորը ջնջել է։
Տեղեկությունը փորձեցինք պարզել հենց պատգամավորից․ հարցին՝ արդյոք գրառում է կատարել ու այն ջնջե՞լ, Պետրոսյանն ասաց․«Բա ես գրառում ջնջող տղա՞ եմ։ Չեմ ջնջել ոչնինչ, պարզապես իմ ֆեյսբուքյան էջը կոտրել են, ի դեպ, այս ամսվա մեջ արդեն երեք անգամ»։
Հարցին՝ ինչո՞վ է պայմանավորված, որ իր ֆեյսբուքյան էջն այդքան հաճախակի են կոտրում, Պետրոսյանը պատասխանեց․ «Այս վերջին շրջանում շատ էի քննադատում Քաղաքացու օրվա կապակցությամբ այդ միջոցառումները, կարծում եմ՝ այդ քննադատություններն են պատճառը»։
Գևորգ Պետրոսյանից հետաքրքրվեցինք նաև, թե ինչ իրավիճակ է «Բարգավաճ Հայաստան» կուսակցությունում, քանի որ, ըստ շրջանառվող լուրերի, «Քաղաքացու որոշում» կուսակցության՝ Գագիկ Ծառուկյանի դեմ քրեական հետապնդում հարուցելու և մանդատից զրկելու գործընթաց սկսելու վերաբերյալ դիմումից հետո, ԲՀ-ում կրքերը խիստ լարված են։
«Լարվածություն չկա, իսկ այդ դիմումի ողջ պատասխանատվությունը կրում է այն ներկայացնող ուժը»,- ի պատասխան ասաց պատգամավորը։
Հիշեցնենք, որ «Քաղաքացու որոշում» կուսակցությունը դիմել է գլխավոր դատախազին և ԱԺ նախագահին՝ Գագիկ Ծառուկյանի դեմ քրեական հետապնդում հարուցելու և մանդատից զրկելու գործընթաց սկսելու հարցով։
Աղավնի Սուքիասյան
