15.10.2026 | 16:50
ՄԱԿ-ի գլխավոր քարտուղար Անտոնիո Գուտերեշի մասնակցությամբ ասուլիս՝ COP17-ի մեկնարկին ընդառաջ. ՈՒՂԻՂ
Թուրքիան հսկայական քայլերով հեռանում է Եվրոպայից. Ժան Կլոդ Յունկեր
Քաղաքականություն
29.08.2017 | 16:05
Եվրամիության (ԵՄ) անդամ երկրների արտգործանախարարների նիստին ելույթով հանդես եկած Եվրահանձնաժողովի նախագահ Ժան Կլոդ Յունկերը խոսել է Թուրքիայի՝ եվրաանդամկցության շուրջ բանակցությունների մասին: Ըստ թուրքական «Hurriyet» թերթի կայքի՝ Յունկերն ասել է, որ այժմ Թուրքիայի և ԵՄ-ի միջև բանակցությունները դադարեցված են, ստեղծված իրավիճակի պատճառով:
Յունկերը ավելացրել է, որ պաշտոնական Անկարան՝ մասնավորապես Էրդողանը, ԵՄ-ի և Թուրքիայի միջև անհաջող բանակցությունների ընթացքը ցանկանում է բարդել ԵՄ-ի վրա:
Յունկերի խոսքերով՝ Եվրոպան իրեն այնպես պետք է պահի, որ ցույց տա, որ անհաջող բանակցությունների մեղավորը, ոչ թե եվրոպական կողմն է, այլ հենց Էրդողանը:
Նշվել է, որ այժմ Թուրքիան «հսկայական քայլերով հեռանում է» Եվրոպայից:
Նա կարծիք է արտահայտել, որ Էրդողանը այժմ ակնկալում է, որ ԵՄ-ն կհայտարարի Թուրքիայի հետ եվրաանդամակցության շուրջ բանակցությունների ավարտի մասին:
