08.08.2026 | 13:20
«Ծիրան» սուպերմարկետում հացի արտադրամասի գործունեությունը կասեցվել է՝ սանիտարական խախտումների պատճառով
Փաշինյանը՝ մշակույթի և կրթության նախարարությունները միացնելու անհրաժեշտության մասին․ ՏԵՍԱՆՅՈՒԹ
Հասարակություն
25.04.2019 | 11:38
Հայաստանում անցյալ շաբաթ մեկնարկել է icult.am նախագիծը, որը ենթադրում է, որ 350 հազար աշակերտ կկարողանա տարվա մեջ մեկ անգամ անվճար այցելել թատրոններ և համերգասրահներ։
Այս մասին այսօր Կառավարության նիստի օրակարգային հարցերի քննարկումից առաջ գործադիրի անդամներին ասաց ՀՀ կրթության և գիտության նախարար Արայիկ Հարությունյանը՝ ծնողներին և ուսուցիչներին կոչ անելով ակտիվորեն գրանցվել այս էլեկտրոնային հարթակում՝ անվճար թատրոններ և համերգասրահներ այցելելու համար։
Վարչապետ Նիկոլ Փաշինյանը նշեց, որ, փաստորեն, այս նախագծով հանրակրթական դպրոցում սովորող աշակերտներին և ուսուցիչներին պետական բյուջեի հաշվին տալիս ենք հնարավորություն տարվա մեջ մեկ անգամ անվճար այցելել թատրոններ, համերգասրահներ։
«Սա շատ կարևոր է մեր մշակութային քաղաքականության իմաստով, քանի որ մենք մշակույթն ու կրթությունը տեսնում ենք նույն տրամաբանության մեջ։ Մշակույթին մենք վերապահում ենք նաև կրթական դերակատարում և կրթությունն ինքը մշակութային երևույթ է և սրանով է պայմանավորված այն կառուցվածքային փոփոխությունը, որ կրթության և մշակույթի նախարարությունները միացնում ենք իրար»,-ասաց վարչապետը։
Մանրամասները՝ տեսանյութում։
