16.12.2025 | 14:46
Ակադեմիական քաղաքի զարգացման նոր հայեցակարգ կընդունվի, 2 տարի առաջ ընդունվածն ուժը կորցրած կճանաչվի
Սերժ Սարգսյանը հայ ժողովրդի պատասխանատվությունից չի կարող խուսափել․ անցումային արդարադատությունը գործելու է․ Ժիրայր Սեֆիլյան․ ՏԵՍԱՆՅՈՒԹ
Քաղաքականություն
24.04.2019 | 16:18
«Սասնա ծռեր» կուսակցության հիմնադիրներից Ժիրայր Սեֆիլյանի համոզմամբ՝ ապրիլի 24-ը տարվա մեջ այն միակ օրն է, երբ բոլոր հայերով մեկտեղվում ենք՝ տարաձայնությունները մի կողմ դնելով: Իսկ մեր գլխավոր խնդիրը պետք է լինի այն, որ այլևս երբեք թույլ չտանք Ցեղասպանություն, ինչի պատճառն, իր համոզմամբ, այն է, որ պետականությունից զուրկ ենք եղել։ Այս մասին այսօր Ծիծեռնակաբերդի հուշահամալիրում Factor.am-ի հետ զրույցում ասաց Սեֆիլյանը։
«Մեր ուժերը պետք է մեկտեղենք` օր առաջ ինքնիշխան ՀՀ ստեղծելու համար»,- ասաց նա։
Անդրադառնալով ներքաղաքական զարգացումներին, մասնավորապես, թավշյա հեղափոխությունից հետո իշխանությունների վարած քաղաքականությանը, Ժիրայր Սեֆիլյանը նկատեց․«Մենք առաջին օրվանից եղել ենք գործող իշխանության կողքին, այսօր էլ ենք, սակայն այսպես երկար շարունակվել չի կարող, որովհետև խնդիրը երկիրը ճահիճից օր առաջ հանելու մեջ է։ Ճիշտ է` քայլեր արվում են, բայց այդ ընթացքը շատ դանդաղ է առաջ գնում։ Ժողովուրդը հասկանում է, որ մեկ տարվա մեջ այստեղ չէ, որ պետք է հասնեինք․ հանցագործները պետք է այլ տեղում լինեին»։
Վերջինիս խոսքով, սակայն, ինչ էլ անի Սերժ Սարգսյանը, նա հայ ժողովրդի պատասխանատվությունից չի կարող խուսափել, քանի որ, ուշ թե շուտ, անցումային արդարադատությունը Հայաստանում գործելու է։
Մանրամասները՝ տեսանյութում։
