09.06.2026 | 18:23
ՀԷՑ-ի 100% բաժնետոմսերը հանրային գերակա շահ կճանաչվեն․ կառավարությունը որոշում կընդունի շաբաթների ընթացքում․ Ռոմանոս Պետրոսյան
Հայաստանում ռուսական ավիաբազան կվերազինվի Սու-30ՍՄ կործանիչներով
Տնտեսություն
23.04.2019 | 13:03
Երևանի «Էրեբունի» ռուսական ավիաբազան 4++ սերնդի Սու-30ՍՄ բազմաթիրախային կործանիչներով կհամալրվի, որոնք կփոխարինեն ներկայում սպառազինությունում առկա ՄիԳ-29-ներին: Ընդհանուր առմամբ՝ 18 օդանավ կփոխանցվի Հայաստանում ռուսական ավիաբազային: Այս մասին ՏԱՍՍ-ին հաղորդել է ՌԴ ՊՆ-ի աղբյուրը:
«Սու-30ՍՄ-ներով ավիաբազայի համալրումը ծրագրվում է սկսել արդեն հաջորդ տարի: Օդանավերը տեղ կհասցվեն երկու փուլով՝ 2020-2021 թվականներին»,- ասել է գործակալության աղբյուրը:
Նրա տեղեկացմամբ՝ թռիչքներն իրականացնող անձնակազմը նաև վերապատրաստման ծրագիր կանցնի. «Երբ օդանավերն ուղարկվեց, անձնակազմի մի մասը կմեկնի Լիպեցկի ավիակենտրոնում վերապատրաստման, մյուս մասը կշարունակի ծառայել «Էրեբունի» ավիաբազայում»:
Սու-30ՍՄ-ը 4++ սերնդի երկտեղանի կործանիչ է: Օդանավի մարտական շառավիղը կազմում է 1.500 կմ, առանց վերալիցքավորման թռիչքի տևողությունը՝ 3.5 ժամ:
