02.11.2024 | 10:07
ՀՀ տարածքում ավտոճանապարհներն անցանելի են
Եկեք հնդկական սերիալներին հղում մի՛ արեք. Իվետա Տոնոյանը՝ Պասկևիչյանի՝ Մարտի 1-ի դեպքերը պատմող «Կորսված գարուն» ֆիլմի մասին
Քաղաքականություն
19.04.2019 | 14:58
Ազգային ժողովում այսօր լրագրողների հետ հարցուպատասխանի ընթացքում «Բարգավաճ Հայաստան» խմբակցության ղեկավար Գագիկ Ծառուկյանին վրդովվեցրեց Factor.am-ի հարցը, թե արդյոք նա հարցաքննվել է «Մարտի 1-ի» գործով։
Պարոն Ծառուկյանը հայտարարեց, թե իր անունը «Մարտի 1-ի» հետ կապողները անբարոյականներ են, ապա զայրացավ, որ իրեն այդ հարցը անընդմեջ ուղղվում է։ «Ես ի՞նչ կապ ունեմ Մարտի 1-ի հետ»,- տարակուսեց նա՝ բորբոքվելով։
Երբ լրագրողները հիշեցրին, որ «Մարտի 1-ի» հետ կապված Ծառուկյանի ինչ-ինչ առնչության մասին կա հիշատակում և՛ փաստահավաք խմբի զեկույցներում, և՛ Տիգրան Պասկևիչյանի հեղինակած «Կորսված գարունը» ֆիլմում, Ծառուկյանի թիկունքում կանգնած Իվետա Տոնոյանն արձագանքեց․ «Եկեք հնդկական սերիալներին հղում չտանք»։
Արդյոք Ծառուկյանը կիսում է իր խոսնակի տեսակետը, և ինչ են այդ մասին մտածում խմբակցությունում, կփորձենք պարզել ավելի ուշ։
Առավել մանրամասն՝ տեսանյութում:
Աղավնի Սուքիասյան
