Քաղաքականություն
19.04.2019 | 11:35Տպավորություն է ստեղծվել, որ «Բարգավաճ Հայաստան» խմբակցությունը դեմ է դուրս եկել «Պետական տուրքի մասին» օրենքում լրացում կատարելուն և ասում է, որ Հայաստան ներմուծվող ցեմենտի խտանյութի՝ կլինկերի վրա պետք է դրվի պետական տուրք: Տպավորություն է, որ այս նախագծի ընդունումով Արարատի ցեմենտի գործարա՞նն է տուժելու։
Այս մասին այսօր Ազգային ժողովում «Պետական տուրքի մասին» օրենքում լրացում կատարելու մասին նախագծի քննարկման ժամանակ ասաց խմբակցության պատգամավոր Արթուր Գրիգորյանը։
«Եկեք հասկանանք՝ ո՞վ է լինելու այս նախագծի ընդունման պարագայում տուժող․ հաստատ ոչ «Արարատցեմենտ» գործարանը, այն լինելու է շահող, որովհետև եթե այս գործարանը կլինկերի արտադրության վրա ծախսելու էր գազի համար 3 մլն դոլար, հոսանքի՝ 1,5 մլն դոլար, կազատվի այդ ծախսից և 1400 աշխաողի աշխատավարձ վճարելու խնդրից։ Այս գործարանը պարզապես ցեմենտի հումք կներկրի և կազատվի այդ վճարներից և 1400 աշխատակից պահելու խնդրից։ Կլինկերի ներմուծման համար Արարատի ցեմենտի գործարանին բավարար է 300-400 աշխատակից: Ստացվում է այս քննարկվող նախագծի ընդունման պարագայում տուժելու են գործարանի աշխատակիցները»,- ասաց ԲՀԿ-ական պատգամավորը։
Պատգամավորի խոսքով՝ էժան ներմուծվող արտադրանքը կոչնչացնի նմանատիպ արտադրությունը, իսկ Արարատ քաղաքում 1000 մարդ կդառնա գործազուրկ, և նրանք որևէ այլ տեղ չեն կարողանա աշխատանք գտնել։
Մանրամասները՝ տեսանյութում։
Աղավնի Սուքիասյան
