21.06.2026 | 15:30
Իրանական ԶԼՄ-ները պնդում են, որ Հորմուզի նեղուցը շարունակում է փակ մնալ
Տպավորություն է՝ հենց նեղն եք ընկնում, միանգամից 3 խմբակցություններին եք դիմում․ ԲՀԿ-ականը՝ Հակոբ Կարապետյանին
Քաղաքականություն
18.04.2019 | 15:19
«Տպավորություն է՝ հենց նեղն եք ընկնում, միանգամից 3 խմբակցություններին դիմում եք, բայց եթե նեղը չեք ընկնում, միանձնյա որոշում եք կայացնում»,- այսօր Երևանի քաղաքապետարանում հրավիրված մամուլի ասուլիսին, դիմելով քաղաքապետի մամուլի խոսնակ Հակոբ Կարապետյանին՝ ասաց ԲՀԿ խմբակցության ղեկավար Միքայել Մանրիկյանը։
Նա հիշեցրեց, որ, օրինակ, Բուզանի 1/3 շենքի ճակատագիրը որոշելու համար քաղաքապետարանը հանձնաժողով է ստեղծել՝ ներառելով նաև ընդդիմադիր խմբակցություններին՝ ԲՀԿ-ին ու «Լույս»-ին։
Հակոբ Կարապետյանը պատասխանեց, որ նեղն ընկած վիճակում է քաղաքը՝ նկատի առնելով աղբահանության խնդիրը, ինչը, ըստ նրա, ստիպում է հրատապ միջոցների դիմել․ «Միգուցե այդ գործողությունների հրատապությամբ պայմանավորված տեղի չեն ունենում այն քննարկումները, որոնք կան այլ հարցերի դեպքում։ Կրկնում եմ, որ ամեն ինչ տեղի է ունենում թափանցիկ ու բաց»։
«Ինչ գործող քաղաքային իշխանությունն ստանձնել է քաղաքի կառավարումը հոկտեմբերից ի վեր, հայտարարվել է, որ աղբահանության համակարգային բարեփոխումն առաջնային է և ընթացքում գործընթաց է գնացել միակ օպերատորի հետ»,- արձագանքեց Հակոբ Կարապետյանը։
