16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Գարեգին Բաղրամյանն այլ տեղ նստած կլիներ, եթե հեղափոխությունն ընթանար դասական կանոններով․ Արման Բաբաջանյան․ ՏԵՍԱՆՅՈՒԹ
Քաղաքականություն
18.04.2019 | 16:58
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանը զարմացած է՝ ինչո՞ւ «Էլեկտրիկ Երևանի» ժամանակ թանկացումների դեմ պայքարող այն մարդիկ, որոնք այսօր նստած են Ազգային ժողովում, այդ թանկացման համար պատասխանատու անձին՝ ՀԾԿՀ նախագահի թեկնածու Գարեգին Բաղրամյանին այսքան թավշյա հարցեր ուղղեցին։
«Թավիշը մեզանում մի քիչ շատ է, եթե հեղափոխությունն ընթանար հեղափոխության դասական կանոններով Գարեգին Բաղրամյանն այստեղ չէր լինի, այլ տեղ նստած կլիներ հավանաբար։ Շատ ռիսկային եմ համարում նրա պաշտոնավարումը այդ պաշտոնում, առավել ևս՝ ՀԾԿՀ նախագահի պաշտոնում։ Մենք ամեն օր խոսում ենք 20-ամյա ռեժիմի մասին և պետք է հասկանանք, որ մեր գնահատականների հասցեատերերից մեկը այս հանձնաժողովն է ու Գարեգին Բաղրամյանի նման պաշտոնյան»,- ասաց Արման Բաբաջանյանը։
Պատգամավորի խոսքով՝ մենք տարիներ շարունակ տեսել ենք, թե ինչպես է այս հանձնաժողովը կատարում իշխանությունների հրահանգները՝ հատկապես մենաշնորհային կարգավիճակ ունեցող ընկերությունների սակագների որոշման ժամանակ։
Մանրամասները՝ տեսանյութում։
Աղավնի Սուքիասյան
