06.08.2026 | 16:58
ՆԳՆ պարեկային ծառայության պաշտոնյան կալանավորվել է, էկոպարեկային ծառայության Սևանի տեղամասի պետի պաշտոնավարումը՝ կասեցվել
Աղվան Հովսեփյանին, Խոսրով Հարությունյանին ու տարբեր գեներալների երբ ՀԷԿ-եր կառուցելու լիցենզիաներ էին տալիս, Դուք ընդդիմացե՞լ եք․ Բաբաջանյանը՝ Բաղրամյանին․ ՏԵՍԱՆՅՈՒԹ
Քաղաքականություն
18.04.2019 | 16:17
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանը ՀԾԿՀ նախագահի թեկնածու Գարեգին Բաղրամյանին հիշեցրեց, որ այդ հանձնաժողովում իր աշխատանքային գործունեության տարիներին նախկինում բազմաթիվ բարձրաստիճան պաշտոնյաների և գեներալների տրվել են լիցենզիաներ ՀԷԿ-եր կառուցելու համար և այդ ոլորտում տեղի են ունեցել ապօրինություններ, թալան՝ այդ թվում և իր թողտվությամբ։
«Օրինակ՝ Աղվան Հովսեփյանին, Խոսրով Հարությունյանին ու տարբեր գեներալների երբ լիցենզիաներ էին տալիս ՀԷԿ-եր կառուցելու համար, Դուք որևէ ձևով ընդդիմացե՞լ եք»,- հարցեց պատգամավորը։
Գարեգին Բաղրամյանը նշեց, որ այն բոլոր լիցենզիաները, որոնք տրվել են ՀԾԿՀ-ի կողմից, իրենց հիմքում ունցել են անհրաժեշտ բոլոր փաստաթղթերը, իսկ եթե անօրինություններ են տեղի ունեցել, ապա իրավապահ մարմինները պետք է գնահատական տան։
Հիշեցնենք, որ Գարեգին Բաղրամյանը Հանրային ծառայությունները կարգավորող հանձնաժողովում աշխատել է 2003-2011 թվականներին՝ սակագնային քաղաքականության գլխավոր մասնագետից մինչև նույն բաժնի պետ։
Մանրամասները ՝տեսանյութում։
Աղավնի Սուքիասյան
