Ապրիլի 17-ին տեղի է ունեցել Հանրային խորհրդի նիստ, որի ընթացքում խորհուրդը հստակեցրել է հարցերի շրջանակը, որ պետք է քննարկի ապրիլի 19-ին վարչապետի հետ Հանրային խորհրդի ամբողջական կազմով անդրանիկ հանդիպման ժամանակ։
«Խորհրդի անդամները գտել են, որ անհրաժեշտ է քննարկել Հանրային խորհուրդ-ՀՀ կառավարություն համագործակցության ձևաչափն ու մեխանիզմները, Հայաստանի առջև ծառացած մարտահրավերները, այն խնդիրները, որ պետք է դրվեն Հայաստանի զարգացման հեռանկարում, ինչպես նաև հրատապ լուծման կարիք ունեցող հարցեր»,- ասված է Հանրային խորհրդի տարածած հաղորդագրությունում:
