14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
«Ստեղծված իրավիճակն անընդունելի է մեզ համար»․ Իրանը սպառնացել է հարվածել Պակիստանին
Քաղաքականություն
08.05.2017 | 18:22
Իրանի ԶՈՒ-ն կհարվածի ահաբեկիչներին, որտեղ էլ նրանք գտնվեն, այդ թվում՝ Պակիստանի տարածքում։ Այս մասին IRINN հեռուստաալիքին հայտնել է Իրանի զինված ուժերի գլխավոր շտաբի հրամանատար Մոահամադ Հոսեյն Բաղերին․ հաղորդում է TASS-ը։
«Ստեղծված իրավիճակն անընդունելի է մեզ համար: Հույս ունենք, որ Պակիստանի իշխանությունները կվերահսկեն սահմանը,մեզ կհանձնեն ահաբեկիչներին և կվերացնեն նրանց բազաները: Եթե ահաբեկիչները շարունակեն հարձակվել Պակիստանի տարածքից, ավերիչ հարված կհասցնենք նրանց թաքստոցներին, որտեղ էլ դրանք գտնվեն»,- ասել է իրանցի նախարարը:
Նման հայտարարության պատճառ է հանդիսացել վերջերս իրանա-պակիստանյան սահմանին տեղի ունեցած միջադեպը, երբ Իրանի սահմանապահ զորքերի զինծառայողների վրա կրակ է արձակվել Պակիստանի տարածքից ու զոհվել է 10 զինծառայող։
