09.10.2026 | 11:32
Փաշինյանը հայտարարել է, որ Հայաստանի և Ադրբեջանի միջև խաղաղությունը կայացած փաստ է
Արդարադատության նախարարը տեղյակ չէ ոստիկանություն տարվելուց հետո մահացած քաղաքացու մասին. ՏԵՍԱՆՅՈՒԹ
Հասարակություն
17.04.2019 | 18:04
Արդարադատության նախարար Արտակ Զեյնալյանը տեղյակ չէ ոստիկանության բաժանմունք տեղափոխված, ապա մահացած Էդգար Ծատինյանի դեպքից, որը, նրա հարազատների պնդմամբ, ենթարկվել է խոշտանգման։
Նախարարն այսօր խորհրդարանում լրագրողների հետ զրույցում ասաց՝ տեղյակ չէ, հետևաբար գնահատական էլ չի կարող տալ։ «Ինձ ոչինչ չի ասում այդ անուն-ազգանունը, ես տեղյակ չեմ այդ դեպքին», – հայտարարեց Արտակ Զեյնալյանը։
Նախարարը, սակայն, համոզմունք հայտնեց, որ ոստիկանության բաժանմունքներում խոշտանգումների համատարած դեպքեր չկան։ «Ոստիկանության բաժանմունքներում խոշտանգումների դեպքեր ժամանակին եղել են։ Արդարադատության նախարարությունը շուտով նախաձեռնություններով է հանդես գալու, որ խոշտանգման բացարձակ արգելք հանդիսացող իրավունքը երաշխավորված լինի։ Հայաստանում դեռ կան խնդիրներ, բայց խոշտանգումը համատարած բնույթ չի կրում», – շարունակեց նախարարը։
Մանրամասները՝ տեսանյութում։
Շողիկ Գալստյան
