06.02.2026 | 16:47
ՏԿԵ նախարարն ու Իրանի դեսպանը էներգետիկ, տրանսպորտի, ճանապարհաշինության ոլորտներին վերաբերող հարցեր են քննարկել
Բարսեղ Բեգլարյանի՝ Ֆլեշի Բարսեղի դեմ նոր քրեական գործ է հարուցվել
Հասարակություն
17.04.2019 | 16:14
Հայտնի գործարար «Ֆլեշ» ընկերության սեփականատեր Բարսեղ Բեգլարյանի դեմ նոր քրեական գործ է հարուցվել։ Armdaily.am-ի տեղեկություններով այն կապված է «Ֆլեշ» ընկերության բաժնեմասերի հետ։
Բարսեղ Բեգլարյանի պաշտպանը, սակայն, պնդեց, որ քրեական գործը կապ չունի ընկերության բաժնեմասի հետ։ Փաստաբանը տեղեկացրեց, որ իրենք դեռ գործի նյութերը չեն ստացել և չգիտեն, թե ինչ փաստերի հիման վրա է նոր քրեական գործ հարուցվել։
Հիշեցնենք, որ մինչ այս Բարսեղ Բեգլարյանին արդեն իսկ մեկ այլ գործով մեղադրանք էր առաջադրվել։
Փորձեցինք կապ հաստատել նաև Բեգլարյանի հետ, վերջինս մեր հարցը լսելուց հետո ասաց, թե խորհրդակցության է ու չի կարող խոսել և անջատեց հեռախոսը։
Հիշեցնենք նաև, որ Բարսեղ Բեգլարյանին մեղադրանք է առաջադրվել այն բանի համար, որ նա 2016թ. մարտ-ապրիլ ամիսների ընթացքում Արման Մկրտումյանի նկատմամբ բռնություն գործադրելով, ինչպես նաև կյանքի և առողջության համար վտանգավոր բռնություն գործադրելու սպառնալիքներով կատարել է ինքնիրավչություն` վերջինիս օրինական շահերին պատճառելով էական վնաս: Փաստական տվյալների համաձայն՝ Ն.Բեգլարյանին պատկանող «Ֆլեշ Մոտորս» ՍՊ ընկերությունից 2015թ. ընթացքում իրականացվել է առանձնապես խոշոր չափերի գույքի հափշտակություն, որի կատարման մեջ ընկերության սեփականատերն ու հարազատները մեղադրել են «Ֆլեշ Մոտորս» ՍՊ ընկերության նախկին կոմերցիոն տնօրենին և պահանջել վերականգնել ենթադրաբար պատճառված գույքային վնասը։
Լիլիթ Շաբոյան
