13.08.2026 | 15:10
Ալեն Սիմոնյանը ԱԽ քարտուղար նշանակվեց // Զինվորի դի է հայտնաբերվել՝ հրազենային վնասվածքով․ ԼՈՒՐԵՐ
Երեխաները ուժեղ սթրեսի մեջ էին. ՊՊԾ գնդի գործով տուժող
Հասարակություն
17.04.2019 | 11:34
«Սասնա ծռերի» գործով այսօր դատարանում հարցաքննվեց տուժող Էլեն Վարդանյանը, որն ասաց, որ ապրում է ՊՊԾ գնդի դիմացի տանը, դեպքից շատ մանրամասներ չի հիշում, գիտի միայն, որ իրենց տանը անչափահաս երեխաներ կային, որոնք վախեցել են. «Մենք տանից գնացինք, որովհետև երեխաները ուժեղ սթրեսի մեջ են: Մեզ հետո զանգել են կանչել, ասել են, որ պատուհանը բաց է և հնարավոր է մեր տուն են մտել պիտի խուզարկվի: Ներս ենք մտել տունը թափթված էր, սառնարանը բաց»:
Վարդանյանը մեղադրողի հարցերին ի պատասխան նաև ասաց, որ իր տնից կորել է «պլանշետ» և հեռախոս: Կինը դատարանում նաև ասաց, որ նախքան տունը լքելը կրակոցներ են լսել, որոնք էլ դարձել են երեխաների սթրեսի պատճառը: Նա նաև հայտնեց որ որևէ բողոք և պահանջ չունի:
Լիլիթ Շաբոյան
