29.03.2026 | 22:16
Հրդեհ ավտոմեքենայում․ տուժածներ չկան
Չեմ բացառում, որ Մարտի 1-ին սահմանադրական կարգը տապալվել է. Գոռ Հովհաննիսյան․ ՏԵՍԱՆՅՈՒԹ
Քաղաքականություն
16.04.2019 | 16:13
Ազգային ժողովում ՍԴ դատավորի թեկնածու Գոռ Հովհաննիսյանից ԱԺ «Իմ քայլը» խմբակցության պատգամավոր Հրաչյա Հակոբյանն այսօր հետաքրքրվեց, թե ինչ տեսակետ ունի 2008 թվականի մարտի 1-ի դեպքերի առնչությամբ։
«Այո կամ ոչ. 2008-ին սահմանադրական կարգը տապալվե՞լ է»,- հարցրեց պատգամավորը։
Ի պատասխան՝ Գոռ Հովհաննիսյանը հիշեցրեց, որ ունի գիտական հոդված գրված սահմանադրական կարգի տապալման վերաբերյալ, իսկ կոնկրետ պատգամավորի հարցի հետ կապված՝ նշեց, որ զուտ այն հանգամանքը, որ հավաքները ցրելու ընթացքում մահացել է 10 մարդ, հիմք է տալիս ասելու, որ պետության գործողությունները եղել են ոչ համաչափ։
«Պետությունն իր գործողություններով խախտել է համաչափության սկզբունքը, որը սահմանադրական սկզբունք է։ Դրա իրական խախտման դեպքում պետության գործողությունները դառնում են հակասահմանադրական։ Այդ տեսակետից, չեմ կարող բացառել, որ 2008 թվականի մարտի 1-ին հնարավոր է, որ տեղի է ունեցել սահմանադրական կարգի տապալում այն տեսանկյունից, որ պետությունն իր անհամաչափ գործողություններով խախտել է մարդու ազատ հավաքներ իրականացնելու իրավունքը, որը սահմանադրական կարգի էական տարրերից մեկն է»,- ասաց ՍԴ դատավորի թեկնածուն։
Մանրամասները՝ տեսանյութում։
