17.03.2026 | 13:32
Ֆինն Գերագուսյան․ Հայաստանի հավաքականից զանգ ստանալն անհավանական էր․ ՏԵՍԱՆՅՈՒԹ
Թեժ վիճաբանություն ԱԺ-ում․ «Իմ քայլն» ու ԲՀԿ-ն միմյանց մեղադրում են պոպուլիզմի մեջ․ ՏԵՍԱՆՅՈՒԹ
Քաղաքականություն
16.04.2019 | 12:03
Ազգային ժողովի «Իմ քայլը» խմբակցության պատգամավոր Համազասպ Դանիելյանի համոզմամբ՝ արդեն ավանդույթ է դարձել, երբ «ընդդիմություն կամ տարբեր բաներ ներկայացնող տարբեր ուժեր խորհրդարան են բերում օրենքի նախագծեր, որոնց բովանդակությունը, մեղմ ասած, վիճելի է և պոպուլիզմ բառն իսկապես տեղին է»։
«Այսօր մենք լսում ենք ելույթներ Գևորգ Պետրոսյանից՝ ողջամտության մասին, Նաիրա Զոհրաբյանից՝ զոմբիների մասին, ԲՀԿ-ից, որը դեմ է եղել նախկինին․.. լո՞ւրջ եք ասում ժողովուրդ»,- հարցրեց Դանիելյանը, ինչին տեղից արձագանքեցին ԲՀԿ-ական պատգամավորները՝ «Իմ քայլը» խմբակցության պատգամավորներին մեղադրելով պոպուլիզմի մեջ ու նույն հարցն ուղղելով Համազասպ Դանիելյանին. «Լո՞ւրջ եք խոսում»։
ԲՀԿ-ական պատգամավորների և Համազասպ Դանիելյանի միջև լեզվակռվին միջամտեց նիստը վարող Վահե Էնֆիաջյանը՝ կոչ անելով չխախտել ռեգլամենտը:
«Ակնհայտ է, որ ընտրված է սաբոտաժ անելու մարտավարություն, հասարակության տարբեր շերտերին ականջահաճո նախագծեր բերելու, որոնք հետո չեն էլ պատկերացնում, թե ինչպես են իրագործելու»,- ասաց «Իմ քայլը» խմբակցության պատգամավորը:
Մանրամասները՝ տեսանյութում:
Աղավնի Սուքիասյան
