09.10.2026 | 22:14
Հայաստանի մի շարք հասցեներում էլեկտրաէներգիայի անջատումներ կլինեն
Միհրան Պողոսյանը կկալանավորվի. ներկայացված միջնորդությունը բավարարվել է
Հասարակություն
15.04.2019 | 21:40
Factor.am-ի տեղեկություններով՝ Երևան քաղաքի ընդհանուր իրավադության դատարանը բավարարել է ԴԱՀԿ նախկին պետ Միհրան Պողոսյանին կալանավորելու վերաբերյալ Հատուկ քննչական ծառայության միջնորդությունը:
Հիշեցնենք, որ ավելի վաղ ՀՀ հատուկ քննչական ծառայությունից տեղեկացրել էին, որ ՀՔԾ-ում քննվող քրեական գործի շրջանակներում ՀՀ դատական ակտերի նախկին գլխավոր հարկադիր կատարող Միհրան Պողոսյանը ՀՀ քրեական օրենսգրքի 179-րդ հոդվածի 3-րդ մասի 1-ին կետով և 308-րդ հոդվածի 2-րդ մասով ներգրավվել է որպես մեղադրյալ հանրորեն վտանգավոր այն արարքների կատարման համար, որ նա, օգտագործելով պաշտոնեական դիրքը, վատնման եղանակով առանձնապես խոշոր չափերով գույք է հափշտակել և չարաշահել իր պաշտոնեական լիազորությունները, ինչն առաջացրել է ծանր հետևանքներ:
Միհրան Պողոսյանը քրեական գործով ներգրավվել է որպես մեղադրյալ. կալանավորելու համար միջնորդություն է ներկայացվել, հայտարարվել էր հետախուզում:
