22.05.2026 | 19:35
Ռուսաստանը և՛ սպառնալիք, և՛ գործընկեր․ ինչ են ցույց տալիս IRI արդյուքները
Ոչ մի տարօրինակ բան չկա. Փաշինյանը՝ Մնացականյան-Մամեդյարով հանդիպմանը Լավրովի ներկայության մասին. ՏԵՍԱՆՅՈՒԹ
Քաղաքականություն
15.04.2019 | 17:17
ՀՀ վարչապետ Նիկոլ Փաշինյանը լրագրողների հետ զրույցում անդրադարձավ Մոսկվայում այսօր Հայաստանի, Ադրբեջանի և ՌԴ արտաքին գործերի նախարարների միջև ընթացող հանդիպմանը:
Հարցին՝ ի՞նչ է ակնկալում այդ հանդիպումից՝ Փաշինյանը պատասխանեց. «ԱԳ նախարարների հանդիպումից ակնկալում եմ, որ այն հանձնարարականը, որ մենք Ադրբեջանի նախագահի հետ տվել ենք ԱԳ նախարարներին, կկատարվի, իսկ այդ հանձնարարականն է Վիեննայում մեր քննարկած հարցերի շրջանակը՝ մեր օրակարգերի շուրջ քննարկում ունենալ և փորձել մոտեցնել դիրքորոշումները»:
Լրագրողները հետաքրքրվեցին՝ տարօրինակ չէ՞ Հայաստանի և Ադրբեջանի ԱԳ նախարարների հանդիպմանը Ռուսաստանի ԱԳ նախարարի մասնակցությունը:
«Ոչ մի տարօրինակ բան չկա, քանի որ Ռուսաստանը ԵԱՀԿ ՄԽ համանախագահող երեք երկրներից մեկն է: Այդպիսի պրակտիկա եղել է և կլինի, և՛ ՌԴ արտաքին գործերի նախարարության հովանու ներքո կարող է հանդիպում լինել, և՛ Ֆրանսիայի, և՛ ԱՄՆ-ի: Ոչ մի տարօրինակ բան չեմ տեսնում»,- ասաց Փաշինյանը:
Մանրամասները՝ տեսանյութում:
Նարեկ Կիրակոսյան
