04.04.2026 | 18:23
Իրանը թույլատրել է հումանիտար օգնությամբ բեռնված նավերի անցումը Հորմուզի նեղուցով
Զարթոնքի գյուղապետն իր ասելիքը կասի երկուշաբթի օրը, իսկ ՊՎԾ-ն էլ առերևույթ հանցագործության մասին տեղեկանք կուղարկի Դատախազություն. ՏԵՍԱՆՅՈՒԹ
Քաղաքականություն
13.04.2019 | 15:17
Արմավիրի մարզի Զարթոնք գյուղի գյուղապետարանում կատարված ուսումնասիրությունների արդյունքում հայտնաբերվել են որոշակի խնդիրներ, կա նախնական տեղեկանք, որտեղ արտացոլված են առերևույթ հանցագործության մասին վկայող հանգամանքներ, որոնք, ամենայն հավանականությամբ, կստանան համապատասխան ընթացք և այդ տեղեկանքը կուղարկվի ՀՀ Գլխավոր դատախազություն:
Այս մասին այսօր Զարթոնք գյուղի գյուղապետի հետ քննարկումից հետո ասաց ՊՎԾ պետի տեղակալ Արգիշտի Քարամյանը:
ՊՎԾ պետ Դավիթ Սանասարյանն էլ հավելեց, որ գյուղպետն իր ասելիքը կասի երկուշաբթի օրը, իսկ իրենք էլ այդ տեղեկանքը կուղարկեն Դատախազություն:
Հարցին՝ արդյոք գյուղապետը կհայտարարի իր հրաժարականի մասին, Սանասարյանը պատասխանեց.
«Երկուշաբթի օրը կանի իր հայտարարությունը»:
Դավիթ Սանասարյանը բողոքի ակցիա իրականացնողներին հորդորեց ծայրահեղ քայլերի չգնալ և սպասել մինչև երկուշաբթի:
